في أسئلة بديهية مانا لازمة في الدنيا
بنتعرض ليها كل يوم من كل الناس
خلـونـــا نشوف أمثلة
*******
إنت في غرفتك.. على سريرك وطافي الضو ومتغطي
ييجي أخوك الظريف ويفتح الباب عليك ويقولك: شو بدك تنام؟
(( أكيد بدي نام ما بدي أرقص!!! واضح أنو بدي نام ))
*******
انتم معزومين عند ناس ورحتو لبيتهم وأول ما فتحولكن الباب يقول ابنهم الصغير: انتوا جيتـواااااااا؟
(( لا لسه ))
*******
والعكس: انت لابس تيابك وعلى سنجة عشرة وريحة البارفان واصله لاخر الشارع.. ويعني عما تفتح باب البيت,, يجي حد من أهلك وينادي بصوت عالي....شششو طالع!!!!!
(( لاء.... لسه هلق راجعت ))
*******
أو مثلا سيارة ودوّرتها وخلاص رايح.. بقوم البواب ويخبطلك على الزجاج,, انت بكل ذوق تفتح الزجاج وتقوله: خير في شي؟
يقولك: انت رايح على البيت أستاذ؟
(( لا.. مشتاق للسيارة ))
*******
مثلا ماسك سماعة التلفون وقاعد تضغط الارقام يجي حد من أهلك ويقولك: انت بدك تحكي بالتليفون؟
(( لا.. عما أتفرّج عليه ))
*******
مثلا: ماسك كتاب وقاعد عما تحفظ ومتحمس (أول مره).. إيجى حد وقالك: هاه.. قاعد عما تدرس؟
(( لا والله عما ألعب ))
*******
الله هاديك هل كم يوم.. ماسك مسبحة وعمال تسبّح، يجي حد من البيت بيمر من جنبك ويقول: شو عما تسبح؟
(( لاء.. عما أفرطا...... وبعدين أقلية ))
*******
ولاّ تعالو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنية
ترد عليه الست المذيعة بكل خفه ورشاقة: إنتي بتحب الاغنيّة هاي؟
(( لاء.. طالبها اخنق فيا حالي وعكر مزاجي ))
*******
أو مثلا في العيد
المذيع: هههههه هههههههه هههههه نتعرّف عليك
المواطن: فلان الفلاني
المذيع :هههههه هههههه هههههه شو بتقول للأهل ههه وصحابك ههه وأقربائك هههه وللناس اللي انت مزاعلون كمان؟ هههههه هههههه ههههههه
المواطن: أقولهم كل عام وأنتم بخير
(( أكيد يعني ما رح يقولهم البقاء لله ))
*******
المذيعة الظريفة: وياترى بقى شو رح تعملو بالعيد وين بدكن تقضوه؟
أكيد بيبقى زيارات الأهل والصحاب وتخرجوا تشوفوا مظاهر العيد في الشوارع وتفسحوا أولادكم ونتصل بالمعارف نعيّد عليهم ونقولهم كل سنة وانتو طيبين
(( سلبتية وعملتي حالك ما بتعرفي شو بدون يساوى بالعيد؟ ))
*******
أسخف شي.. والجلطة الكبير.. لما المذيعين بيحكو مع الاطفال
يقول المذيع للطفل: إنت بتحب ماما وبابا؟
(( يعني أساسي الولد لسه ما طلعلو عرق الندالة منشان يقول لاء))
